Սիրելի´ ծնողներ, անցել են այն ժամանակները, երբ աշակերտին սովորեցնում էին միայն դասագրքերով, որոնք երբեմն ձանձրալի են թվում: Մեր նպատակն է ուսումնառությունը դարձնել ավելի բազմակողմանի, մատչելի, ստեղծել մի միջավայր, որտեղ աշակերտն ունի ազատ արտահայտվելու իրավունք, ազատ է ստեղծագործելու, կարողանում է արտահայտել իր մտքերն ու հույզերը, և շնորհիվ մեր կրթահամալիրի հմուտ ուսուցիչների՝ գտնել իրենց հուզող հարցերի պատասխանները:
Մեր կրթահամալիրի առօրյան հարուստ է նաև բազմազան միջոցառումներով, կրթամշակութային ծրագրերով, որոնք ուղղված են աշակերտներին՝ մեր երկրի արժանապատիվ, կրթված ու դաստիարակված, ակտիվ քաղաքացի դաստիարակելուն: Այստեղ տեսական գիտելիքներից, գործնական հմտություններից ու կարողություններից բացի կարևորվում է նաև ակտիվ մասնակցության, ազատ մտածողության արժեքների զարգացումը:
Եվ բավական է այս ամենին ավելացնել ընդամենը մի բան, որ մեր բոլոր շրջանավարտներն ընդունվում են բուհ հենց դպրոցում ստացած գիտելիքներով, և որ տարեցտարի ավելանում է մեր վարժարանի սաների թիվը:
Սիրով սպասում ենք Ձեր փոքրիկին ևս …
